Kultura Ministerioak kudeatzen dituen museoak ez dira itzuli pandemiaren aurreko zifretara
Hamaseien artean 2.351.887 bisitari izan zituzten iaz, El Pradok edota Reina Sofiak beraiek bakarrik baino gutxiago
Asteazkena, 4 urtarrila 2023, 15:07
Espainiako Kultura eta Kirol Ministerioaren menpe dauden Estatuko Museoek guztira 2.351.887 bisita izan dituzte 2022an, hau da, % 42,5eko igoera izan dute 2021aren aldean, orduan 1.650.033 bisitari izan baitzituzten. Hazkundea 700.000 bisitarikoa izan bada ere, ez dira oraindik pandemia aurreko zenbakietara heldu.
83 museo daude ministerio horri atxikita, baina datuak zuzenean kudeatzen dituen 16ei dagozkie, gainerako gehienen kudeaketa kokatuta dauden autonomoa erkidegoei baitagokie. 2022an 2.427.718 bisitari izan zituen El Pradok, berriz, publikoa izanagatik izaera berezia du, eta beste horre horrenbeste gertatzen zaio erakunde autonomoa den eta 3 milioitik gora bisitari izan zituen Reina Sofia museoai.
Kultura Ministerioak azaldu duenez, zuzenean kudeatzen dituen 16 museo horien zifrek COVIDaren pandemiaren aurretik erregistratutako jendetza «berreskuratzeko aurrerapauso argia» dakarte, baina oraindik ez dira datu horiek modu globalean lortu (2.905.337 bisitari izan ziren 2019an, Europa Pressek jasotako datuen arabera).
Nolanahi ere, saldo positiboa, aurreko urtearekin alderatuta, Estatuko museo guztietan erregistratu da. Museoka, bisitari gehien izan dituena Arkeologia Museo Nazionala izan da (455.909 bisita), ondoren Altamirako Museoa (251.424 bisitari 2022an) eta Sorolla Museoa (246.219 bisitari).
Nabarmentzekoak dira Altamirako Museo Nazionala eta Ikerketa Zentroa (Santillana del Mar, Kantabria), 2021aren aldean % 90etik gorako hazkundea izan duena, eta Valentziako 'González Martí' Zeramika eta Arte Suntuarioen Museo Nazionala ( % 79ko hazkundea).
Igoerarik handiena Jantzien Museoan erregistratu da ( % 382); izan ere, 2022an, museoak urte osoan eman ahal izan du zerbitzua, 2021eko urrian jendearentzat berriro ireki ondoren. Gainera, bi museok — Dekorazio Arteen Museo Nazionalak (Madril) eta Erromantizismoaren Museo Nazionalak (Madril) — datuak hobetu dituzte 2019an lortutakoekin alderatuta, pandemia baino lehen.
