«Interes soziala eta genero ikuspegia» duten lau proiektu irabazle

Beka deialdia aurkeztu zuteneko irudia/Artgia
Beka deialdia aurkeztu zuteneko irudia / Artgia

ARTgia sorguneak aukeratu ditu bere bigarren beka deialdiko proiektu hautatuak: Alazne Paiuetaren eta Sara Rodriguezen 'Hilarria', Ane Gebararen '4pArTE' egitasmoa, Edurne Herranen 'Wecandoit' proiektua eta Piko Zuluetak aurkezturiko 'Basoratu'

DVDonostia

ARTgia sorgune eta aretoak ARTgia da! bere bigarren beka deialdira aurkeztutako 22 proiektu eta obra aztertu dira, deialdiaren oinarrietan ezarritako balorazio irizpideen arabera. Aukeratutako proiektuei dagokionez, funts berdina partekatzen dituzten proposamenak direla nabarmendu du epaimahaiak, eta deialditik aurrera eraman nahi diren oinarrizko baloreak partekatzen dituztela, hau da, «kalitate eta berrikuntza artistikoa, konpromiso eta interes soziala, pentsamendu kritikoaren sustapena eta genero ikuspegia».

Horrela, Alazne Paiuetaren eta Sara Rodriguezen 'Hilarria' proiektuak hilerri bat planteatzen du eskulturen etxe bezala, hormigoi eta loreen bidez sortuak, eskultura bertikalak santutasun ideiatik abiatuta. Ane Gebararen '4pArTE' egitasmoak lau ate proposatzen ditu, lau emakumeen parte hartzeekin, haien artean erlazionatutak.

Halaber, Edurne Herranen 'Wecandoit' proiektuak irudi maskulinoak aurkeztu ditu Ikea eskuliburuetatik abiatuta, emakumeen presentzia gehitzeko, bere inguruko emakumeen adibideetatik. Azkenik, Piko Zuluetak aurkezturiko 'Basoratu' egitasmoak argazkigintza garaikidea eta Shirin Yoku basotik paseatzean oinarritzen den praktika japoniarra lotzen ditu, naturarekin kontaktuan jartzeko gure zentzumenen bidez.

Hitzetatik ekintzetara salto

Edurne Herran, Ane Gebara eta Piko Zulueta artisten eta Sara Rodriguezek eta Alazne Paiuetak osatutako kolektiboaren proiektuak aukeratu ditu Gasteizko ARTgia sorgune eta aretoaren beka deialdian. Hautaturiko bost artistak arabarrak dira, «gazteak batzuk eta ibilbide nabarmena duten beste batzuk», Irantzu Lekue ARTgiako arduradunak azaldu duenaren arabera.

ARTgia da! deialdiaren bidez, Arabako artista berri zein ibilbidea duten artisten lana sustatu nahi du ARTgia sorgune eta aretoak, eta abiatu duen ARTgia ildo estrategikoari erantzuten dio.

«ARTgia Arabako artistei erakusketa gunea irekitzearen aldeko apustua da, hitzetatik ekintzetara salto egiten duena. Hala, beren artelanak ARTgia aretoan erakutsi eta hedatzeko bitartekoak eskaintzen ditu eta, gainera, proiektu irabazleek 400 euroko diru laguntza jasoko dute», adierazi du Lekuek«.

Temas

Euskera