Green-Spain turismo-markaren koordinatzaile izango da aurten Euskadi

Green-Spain turismo-markaren koordinatzaile izango da aurten Euskadi

Galizia, Asturias eta Kantabria erkidegoek osatzen duten turismo-markaren 30. urteurrena ospatuko da aurten

El Diario Vasco
EL DIARIO VASCO

Galizia, Asturias, Kantabria eta Euskal Autonomia Erkidegoak osatzen duten Green-Spain turismo markaren koordinazio burua izango da aurten, ekimenaren 30. urteurrenean, Euskadi.

Uztailaren 22an, astelehenean, topatu dira proiektuko kide ezberdinak: Sonia Pérez Turismo, Merkataritza eta Kontsumoko sailburua, Isabel Muela Turismo eta Merkataritzako sailburuordea, Eva Bartolomé Kantabriako Turismoko zuzendari nagusia, Carmén Pita Galiziako Sustapeneko zuzendari nagusia, Isabel Ardura Asturiasko Turismoaren Kudeaketako eta Kalitateko ordezkaria, Ángela Castaño Turespañako Marketineko zuzendariordea eta Jose Antonio Rodríguez RENFEko ordezkaria.

2019ko Espainia Berdea

Euskadi buru da «Espainia Berdea» markan, 2019an, Asturiasen eskutik lekukoa hartu ondoren. Aurrekontuetako kontu eta izapideez gainera, bileran «Art, Design & Fashion-Green Spain» produktu berriaren garapena ere aztertu da; horrek lurralde bakoitzeko jasangarritasunaren eta tokiko produktuaren balioa nabarmenduko du. World Travel Market-en aurkeztuko da; izan ere, nazioarteko azokek «Green Spain» markaren babesa izango dute, lurraldeak batera sustatzeko.

Era berean, Green Spain-eko ordezkarien hurrengo topaketa aztertu eta prestatu da; hark Kantabriaz bestaldeko trena izango du esparru gisa.

Sailburuak honako hau gogorarazi du: «merkatu turistikoa merkatu globala da eta, bertan, España marka finkatuta dago eta munduan aintzatetsita dago. Hori dela eta, gure artean elkarlanean jardun behar dugu, Green Spainen bidez eta beste ekimen batzuen bidez, merkatu global horretara indartsuago jo eta gehiago ikus gaitzatzen lortzeko, lurralde bakoitzaren berezitasuna galdu gabe».

Hori dela eta, ekintzak 4 erkidegoak batzen dituzten baliabideetan zentratzen dira, eta intereserako lotura izan daitezke bisitatzen gaituztenentzat, esaterako: Done Jakue Bidea; Jauregiak eta Bodegak; leku paregabeak eta gastronomia.