Gipuzkoako IV orientazio froga egingo da irailaren 14ean Ataunen

Gipuzkoako IV orientazio froga egingo da irailaren 14ean Ataunen
EP

Rogaine

El Diario Vasco
EL DIARIO VASCO

Irailaren 14ean, Ataungo Udala eta Goiurren laguntzarekin, Aralargo mendiak, Gipuzkoako IV orientazio rogainearen lekuko izango dira.

Aralargo mendi eta larreak, toki ezin hobeak dira mendian orientatzen ibiltzeko, eta parte hartzaileek, mapa eta iparorratzaren laguntzarekin, mendian jarriko diren balizak bilatzen saiatu beharko dute.

Iberogaine orientazio ligako proba izanik, Espainia zein Frantziako 250 parte hartzaie baino gehiago hurbilduko dira Lizarrustiko parketxera larunbat goizean. Bertan, 2 proba izango dira.

Batetik, 8 orduko rogainea: goizeko 10.30 tan, Aralargo San Migueletik abiatu eta gehienez ere 8 orduko tartean, Lizarrustira itzuli beharko dute. Eta bestetik , goizeko 11.00 tan Lizarrustiko parketxean bertan 3 orduko rogainea abiatuko da. Hauek, denbora epe laburrago batean berdina egin beharko dute, baina hasiera eta bukaera Lizarrustin bertan izango da.

Rogaine erako orientazio probak 2 eta 5 pertsonez osaturiko taldeetan egiten dira. Momentu oro, taldeak batera joan behar du mendian eta orientazioa, estrategia eta gaitasun fisikoa uztartzen dituen modalitatea da.

Haiseran, parte hartzaileei, Aralargo mendilerroko orientazio mapa banatuko zaie, 15 minutuko tartean, taldeak, 8 edo 3 ordutan, biderik motzena eta baliza kopuru gehien lortuko lituzkeen bidea zein izango den erabaki beharko du. Eta behin irteera emanda, talde bakoitzak erabakitzen du zein bide hartu. Baldintza bakarra dago, 8 edo 3 orduko epean, mapan azaltzen den helmugako tokian agertzea, bestela lorturiko puntuak galtzen baitira.

Aurten, berrikuntza modura, 8 orduko proban, GPS bidezko jarraipena egingo da eta Lizarrustiko parketxetik zuzenean eta internet bidez momentu oro jarraitu ahal izango da parte hartzaileen ibilbidea. Eguna borobiltzeko, amaieran, otordu bat eta sari banaketa izango da.