FICA atletismoaren zinema jaialdia aurkeztu dute

Jaialdiaren aurkezpenean, Aquiles saria eskuetan/
Jaialdiaren aurkezpenean, Aquiles saria eskuetan

Bi sail izango ditu jaialdiak. Ofiziala, atletismoarekin erlazionatutako filmak ikusi eta eztabaidatzeko protagonistekin, eta lehiaketa saila. Azaroaren 6tik 10era egingo dute jaialdia

Atletismoaren kultura sustatzea helburu, FICA Nazioarteko Atletismo Zinemaldia sortu dute Donostian, kulturaren, kirolaren eta zinemaren arloko ekitaldi bat izateko. Proiekzio aretoetan erakustea irudiak, istorioak, dokumentalak, film luzeak, laburrak, fikzioa, nork bere burua gainditzeko errealitateak, entrenamendu nekezak, errekorrak eta, jakina, goimailako lehiaketa eta ekitaldi guztien erakustaldiak eta proiekzioak eskainiko dituzte. Azaroaren 6tik 10era egingo dute.

FICA nazioarteko «Atletismo Zinemaldi bakartzat» dute antolatzaileek. Atletismoa pistetatik harantz gizarteratu nahi dute, alegia,elkarraldi bat sortzea, atletarentzat, runner-arentzat, entrenatzailearentzat, zinegileentzat, kulturarentzat, ikus-entzunezkoen munduarentzat, epaileentzat, medikuentzat, managerrentzat, lasterketen antolatzaileentzat, desgaitasuna duten atletentzat, IAAFentzat, Federazioentzat, hedabideentzat, klubentzat, telebistentzat«. Atletismoaren arloan erreferente bilakatzea da asmoa, eragile guztiak barnean hartuta.

Bestalde, jaialdiarekin, atletismoaren bitartez Donostia munduan proiektatu nahi dute. Donostiako Antzoki Zaharrean, Irungo Amaia zinema-aretoan eta FICOBAn egingo dira proiekzioak.

Bi sail izango ditu jaialdiak. Ofiziala, atletismoarekin erlazionatutako filmak ikusi eta eztabaidatzeko protagonistekin, eta lehiaketa saila, lehiaketara aurkeztutako film luzeak, film laburrak eta dokumentalak, ekoizleak, zineeskolak, partikularrak eta zinegileak ikusteko. Betiere atletismoa gaitzat hartuta.

Munduko herrialde guztietako ikus-entzunezkoen materiala jasotzen ari dira: EABak, Erresuma Batua, Brasil, Danimarka, Espainia, Italia, Alemania, Errusia... Denak Aquiles saria jasotzeko hautagai izango dira, Troia hiriaren historian oinarrituta. Hiru ohorezko sari ere emango zaizkie atletismoaren aurpegi ezagunei.

Temas

Euskera

Contenido Patrocinado

Fotos

Vídeos