Edinburgo, euskal sortzaileen erakusleiho abuztu osoz

#ScotlandoGoesBasque programaren aurkezpena egin dute Bilboko Azkuna Zentroan/Etxepare
#ScotlandoGoesBasque programaren aurkezpena egin dute Bilboko Azkuna Zentroan / Etxepare

#ScotlandoGoesBasque programari esker Fringe munduko arte eszenikoen topagunean eta Edinburgh International Book Festival letren jaialdian izango dira idazle, dantzari, musikari eta aktoreak

DVDonostia

Abuztuan zehar, Edinburgon, Fringe munduko arte eszenikoen topagune handienean, antzerkia eta dantza garaikide nahiz tradizionala erakutsiko dituzte #ScotlandoGoesBasque programari esker bertaratutako euskal artista eta konpainiek. Horiekin batera, abuztuaren 10etik 18ra, hainbat euskal idazlek euren lanak aurkeztu eta literaturaren inguruko hainbat solasaldi eta ekitalditan esku hartuko dute Edinburgh International Book Festival letren jaialdian.

#ScotlandGoesBasque programa baliatuta, Etxepare Euskal Institutuak euskal sortzaileen talentua Eskozian ezagutzera ematen dihardu aurten: neguan musika, udaberrian zinea eta udan, aldiz, arte eszenikoak eta literatura izango dituzte hizpide euskal artistek. Edinburgh Festival Fringe eta Edinburgh International Book Festival jaialdiak izango dira egitasmoaren mugarri berria.

Abuztuan zehar, Fringeenaurkeztuko dituzte euren lanak Krego-Martín Danzak, Akira Yoshidak eta HQPCk, Dance Basen izango den Basque Showcase delakoan; 2Theatre Assembly Roomsen jardungo da eta Edinburgoko kaleetan ikusgai izango dira Tio Teronen Semeak taldearen ikuskizuna eta, estreinakoz, 'Atlantik 1050' euskal zein eskoziar dantza tradizionalen ikuskizuna ikusi ahalko dira.

Edinburgon bertan, abuztuaren 10etik 18ra, euskal literatura gonbidatu berezia izango da Book Festival jaialdian; bertan jardungo duten idazleak dira Iban Zaldua, Harkaitz Cano, Miren Agur Meabe, Uxue Alberdi, Bernardo Atxaga, Eider Rodriguez eta Danele Sarriugarte; eta horiekin batera eskoziar hiriburuan izango dira Joseba Etxegoien eta Eñaut Elorrieta musikariak.

Euskal antzerkia eta dantza garaikide zein tradizionala Edinburgh Festival Fringen 1947. urtetik uda partean eskoziar hiriburuan egiten den Edinburgh Festival Fringe da munduko zuzeneko ikuskizunen jaialdi garrantzitsuena.

Artearen bilgune

Horrela definitzen du bere burua jaialdiak: «sormen-askatasunerako munduko plataforma handiena». Sortu zenetik, arauei desafio egitea du erronka nagusia eta ordutik gaurdaino etengabe garatu da kultur eta arteen inguruko munduko ekitaldi handiena bihurtu arte. Urtero, abuztuko hiru astetan zehar, Eskoziako hiriburua askotariko arte adierazpenen bidezko ikuskizunen bilgune bihurtzen da: antzerkia, dantza, zirkoa, kabareta, haur eta familientzako ikuskizunak, musikalak, opera, poesia mintzatua, erakusketak...

Fringe jaialdiaren aniztasunak nazioarte mailako izen handienak euren ibilbidearen hastapenetan dauden artistekin nahasten ditu, bertako zein mundu osoko ikus-entzuleen aurrean euren lana erakusteko; ikus-entzule horien artean izaten dira, halaber, herrialde askotako programatzaile zein kritikoak eta horregatik, artisten lanaren zabalkuntzarako plataforma ezin hobea da Fringe.

Aurten, 63 herrialdetako lanak izango dira Fringen ikusgai, horietatik 260 europarrak; Edinburgoko bertako 744 muntaia ikus ahalko dira eta ia mila Eskoziako beste tokietakoak. Gainera, eskoziar zein nazioarteko 1000 hedabideetako kazetari bertaratuko dira eta 1400 profesional izango dira Edinburgon, kontratatu, lagundu edo biran eraman ahalko dituzten ikuskizunen bila.

EUSKAL ARTISTAK EDINBURGH FESTIVAL FRINGE JAIALDIAN: EGITARAUA

  1. Abuztuak 1-25. 15:30etan
  2. 2Theatre: Interbeing: Stories From a Current War. Assembly Rooms (Ball Room)
  3. Abuztuak 7-10
  4. Tio Teronen Semeak: FreshCool. Royal Mile Mercat Stage
  5. Abuztuak 8-11. 12:15etan
  6. Basque Showcase
  7. Krego-Martín Danza: (Non) Comfort Zone
  8. Akira Yoshida: Home
  9. HQPC Collective Project: Habrá que ponerse cachas
  10. Dance Base (Studio 1)
  11. Abuztuak 9
  12. 'Atlantik 1050' Edinburgoko kaleetan barrena

EUSKAL IDAZLEAK EDINBURGH INTERNATIONAL BOOK FESTIVAL JAIALDIAN

  1. Abuztuak 10
  2. 12:30etan: Txekhov vs. Shakespeare. Iban Zaldua eta James Robertson. Garden Theatre
  3. 15:30etan: Harkaitz Cano eta Jumoke Verissimo. Writer's Retreat
  4. Abuztuak 11
  5. 12:15etan: Miren Agur Meabe eta Zinzi Clemmons. Baillie Gifford Corner Theatre
  6. 18:00etan: Harkaitz Cano - Wine and Words. The Spiegeltent. Danele Sarriugarte, itzultzailea; Joseba Etxegoien, musikaria
  7. 21:00etan: Unbound: Scotland Goes Bertsolaritza! The Spiegeltent. 'What is Bertsolaritza?' ikus-entzunezkoa Uxue Alberdi bertsolaria, Danele Sarriugarte itzultzailea eta Eñaut Elorrieta kantariarekin
  8. Abuztuak 12
  9. 18:00etan: Throwing Voices. Uxue Alberdi, Ciara MacLaverty, Rachel Newton. The Spiegeltent
  10. Abuztuak 17
  11. 19:00etan: Bernardo Atxaga eta Margaret Jull Costa. Baillie Gifford Corner Theatre
  12. Abuztuak 18
  13. 10:00etan Eider Rodriguez - Ten at Ten. Writer's Retreat. 14:00etan Translation Workshop – Eider Rodriguez eta Margaret Jull Costa. Kimpton Charlotte Square Hotel

Temas

Euskera