Donostia Sutan 1813 elkarteak abuztuaren 31a oroitzeko egitaraua aurkeztu du

Donostia Sutan 1813 elkarteak abuztuaren 31a oroitzeko egitaraua aurkeztu du
Luis Michelena / DV

Abuztuaren 25ean Eneko Bidegainek hitzaldia eskainiko du San Jeronimo kriptan; irailaren 6an, berriz, Bretxan hasi eta Konstituzio plazan amaituko den antzerki ibiltaria egingo da

El Diario Vasco
EL DIARIO VASCO

Beste behin, 1813ko abuztuaren 31ko sarraskia gogoratuko dute Gipuzkoako hiriburuan. Donostia Sutan 1813 Elkarteak, beste erakunde batzuekin batera, egun haietan gertatutakoa gogorarazi nahi die herritarrei; horrela memoria historikoa berreskuratzeko.

Ospakizun hauek abuztuaren 29an izango dute hasiera. Hitzaldi bat egingo da San Jeronimoko kriptan. Hizlaria Eneko Bidegain (Mondragon Unibertsitateko irakaslea, kazetaria eta Lapurdi 1609 elkarteko kidea) izango da. Hitzaldiaren gaia Hau izango da: '1813- Donostia ez ezik Euskal Herria ere suntsitua'.

Ospakizun hauek abuztuaren 25ean izango dute hasiera. Abuztuaren 31an Antzerki ibiltaria egingo da, 20:30ean hasiko da Bretxan eta Plaza Berrian (Konstituzio pz.) amaituko dugu.

Abuztuaren 31an ere, gertatu zenaren informazioa ematen duten panelak jarriko dira eta gaiaren inguruan idatzitako aurtengo Berri-papera banatuko dugu.

Azkenik, irailaren 6an Zuzi Martxa antolatuko dugu abuztuaren 31kalean zehar, arratsaldeko 21:00etan. Gogoratuko da ingeles armadak bertako herritarrak suntsitu ondoren frantses armada desfilatzen utzi zuela bere erretiradan armak soinean zituela eta aldi berean, irailaren 19an hiria kedarretan eta erabat suntsiturik zegoela Cadizeko konstituzioa zinatu zela San Bizente elizan, hain zuzen ere, herrialde honek aurrez baztertua zuena.