Bisitan dator Perotá Chingó

Bisitan dator Perotá Chingó
YouTube

Julia Ortiz eta Dolores Aguirre argentinarrek gidatzen duten musika taldea Bilboko Kafe Antzokian izango da azaroaren 10ean

El Diario Vasco
EL DIARIO VASCO

Bilboko Kafe antzokian eskainiko dute kontzertua azaroaren 10ean, 19:30ean. Sarrerak dagoeneko salgai daude webgune honetan.

Iaz areto berdinean izandako arrakasta errepikatzeko asmoz dator musika talde argentinarra.

Ilunabar batek bildu zituen Julia Ortiz eta Lola Aguirre kantu baten inguruan, 2011 urteko udan. Txikitatik elkar ezagutzen diren lagunak milaka jarraitzaile dituen talde bat sortzeko inolako asmorik ez zutela diote. Hala adierazten du haien lan guztietan nabari den askatasunak.

Ordutik, hala ere, kontzertu ugari eskaini dituzte mundu guztian zehar Martín Dacosta perkusiolariarekin batera. Auto-ekoizpena aldarrikatuz eta zaleekin zuzen-zuzeneko harremana mantenduz, inolako bitartekaririk gabe lortu dituzte Spotifyen dituzten milioi eta erdi entzule, Youtubeko hogei milioi ikustaldi baino gehiago, 400.000 jarraitzaile Facebooken eta Lenine, Djavan, Chico César, Fernando Cabrera, Joss Stone, Anita Tijoux eta Chambao bezalako izenekin lan egitea.