'Argilunak' ikuskizun interdisziplinarra, bihar Tabakaleran

'Komorebi Produkzioak' konpainiaren 'Argilunak - Itzalekin dantzan' dantza garaikide eta proiekzio ikuskizunaren sortze prozesua aurkeztuko du ostegun honetan 19:00etan Kutxa Fundazioa Klubean, Tabakaleran. Ostean, 19:40ak aldera, antolatzaileen, artisten eta ikusleen arteko solasaldia izango da.

Sinopsiak dioenez «'Argilunak' ikuskizun interdisziplinar bat da, dantza eta ikus-entzunezkoak uztartuz, dolua, bizitzaren izaera duala eta argi-ilunen koexistentziari lekua ematen diona esperientzia emozional partekatuan. Garazi Egiguren Urkolaren ideia du oinarri eta berak zuzendu du. Harekin batera Nerea Gurrutxagak ondu du koreografia

Komorebi Produkzioak dantza eta ikusentzunezkoen fusioan oinarritzen den konpainia da. Euskal kultur ekintzailetzatik abiatuta, diziplinarteko sorkuntza sustatzen du, enpatia eta ahizpatasuna ardatz hartuta. Emakume sortzaileen lidergopean, artea euskaratik nazioartera zabaltzea du helburu.