ALBA taldeak lehen diskoa kaleratuko du

ALBA taldearen lehen diskoaren argitalpena iragarri du Bidehuts kolektiboak. Maiatzaren 10ean kaleratuko du Hazparnen sortutako boskotearen estreinako lana. Bi gitarristak, bi bateria jotzailek eta baxu jotzaile batek osatzen dute taldea eta musika instrumentala lantzen dute. Diskoa Tolosako Bonberenea estudioan grabatu zuten iaz, Karlos Osinagarekin.

Ez da izango Bidehutsek aurten argitaratuko duen disko bakarra. Jupiter Jon lan berria grabatzen ari da —Amaren Alabak ahots talde zuberotarrak bertan kolaboratu du— eta Nire ere aurten kaleratzekoa da bigarren diskoa.

• Temas
• Zabalik
• euskera