'Aguirre der Zorn Gottes' filmak irekiko du Fokuak zikloa

Filmeko fotograma bat. /Archivo
Filmeko fotograma bat. / Archivo

Euskal Itsas Museoan ikusgai dagoen Lope de Aguirreren inguruko erakusketarekin elkarlanean emango dute gaur Tabakaleran Werner Herzogen filma

EL DIARIO VASCO

Gaur, arratsaldeko 19:00etan, Fokuak: Lurralde Berriak zinema zikloari hasiera emango diote Aguirre, la cólera de Dios filmarekin. Tabakalerako 1 zinema aretoan botako dute, Juan Azpitarte artista eta Xabier Alberdi Lonbide Itsas Museoaren zuzendarien gidaritzapean.

Gorriz tindatutako pantaila batean, testu batek filma hasten du: «Espainiarrek Inken inperioa konkistatu eta arpilatu ondoren, indioek urrezko lurraldearen kondaira asmatu zuten, El Dorado, Amazonasko iturrietako lokatzetan zegoena. 1560 urtearen bukaera, Peruko goi-lautadatik espedizio espainiar handi bat abiatu zen, Gonzalo Pizarroren aginduetara. Espedizioa arrastorik utzi gabe desagertu zen, eta lekukotza bakarra anaia Gaspar de Carvajalen egunerokoa da.

1560ko Gabonetan, Andetako mendikateko azken portura iritsi ginen, eta lehen aldiz ikusi genuen, gure azpian, agindutako oihana. Goizean, meza eman nuen, eta, ondoren, hodeien artean jaitsi ginen».

Horrela hasten da zinemako klasiko hori, Herzogen titulu handietako bat, eta Klaus Kinskiren interpretazio handietako bat —bikaina, basatia, deabruzkoa—, Lope de Aguirreren rolean.

Apirilaren 3an aurkeztu zuen Euskal Itsas Museoak konkistatzaile oñatiarraren inguruko erakusketa, ekainaren 23 arte bisitatu daitekeena. Juan Azpitartek antolatutako esposizioak Amerikako konkistako figura horren anbiguotasuna aldarrikatu duten idazleekin eta kontakizun garaikide ugariekin erlazionatuta aztertu nahi du, gertaera historikoen konplexutasunaren argazki zehatzaren bidez.

Hemen eros daitezke sarrerak.