Euskal dantza bultzatzen

Gero Axular dantza taldea 2004. urtean jaio zen euskal kultura eta folklorea lantzeko. Europako herrialde ezberdinetan Euskal Herria ordezkatu du, Llangollengo (Gales) festibalean irabazle izanez. UNESCOren Culture & Traditions elkartearen bazkideak dira, hainbat herritako kultura eta tradizioak mantentzeko helburua duen elkartea.

Plazaratutako ikuskizunei -Sasi Artean, Lamien Basoa, Talaia, Xereta, Argizaiola eta Itzal Galdua- jantzi berri bat eman nahi izan die dantza eta musikari, dantzak gaurkotuz, bestelako musikaz apainduz, eta gaurko tresnez eta teknikaz hornituz, ikuskizun moderno, erakargarri eta hunkigarriak lortuz.