Zumaiar andana joan zen Lilatoi emakumezkoen lasterketa herrikoira

Donostiako Lilatoian parte hartu zuen zumaiar talde bat autobusa hartu aurretik. / ZUMAIAKO EMAKUMEON ETXEA
Donostiako Lilatoian parte hartu zuen zumaiar talde bat autobusa hartu aurretik. / ZUMAIAKO EMAKUMEON ETXEA

Zumaiako Emakumeen Etxea elkartearen aurkezpena gaur egingo da, Oxford aretoan

El Diario Vasco
EL DIARIO VASCO ZUMAIA.

Zumaiako Emakumeen Etxea elkarteak jarritako autobusean zumaiar andana joan zen igandean Donostian egindako Lilatoi emakumezkoen lasterketa herrikoira. «Ez dira izan bakarrak, beste zumaiar asko izan baitira bere kasa joan direnak ere», nabarmendu dute, gainera, ekartetik.

Lasterketaren 30. edizioa izan den honetan, 6.265 emakumek hartu zituzten Donostiako kaleak berdintasuna aldarrikatzeko bost kilometroko ibilbidea eginez. «Kirola, aldarrikapenak, animoak eta musika uztartuz, urtero bezala giro ederra izan dute ibilbide osoan zehar».

Elkartearen lehen ekitaldia

Zumaiako Emakumeon Etxea Elkartearen lehen ekintzetako bat izan da Lilatoira autobusa jartzea. Datozen egunetan, ordea, ekintza berriak iragarri dituzte; bihar, martxoaren 12an, esaterako, elkartearen aurkezpena egingo dute 18:30ean, Oxford aretoan.

Horrez gain, martxoaren 16an 19:00etan Zumaiako Udal Musika Bandak egingo duen ongintzazko kontzertuan Zumaiako Emakumeon Etxearen aldekoa izango dela adierazi dute.