Zumaia

'Zarzuela eta opera oihartzuna' eskainiko du gaur San Pedro abesbatzak

41. Zumaiako Musika Jaialdiaren barruan, gaur, ostirala, emanaldia eskainiko du San Pedro Abesbatzak, parrokian, 20:00etan hasita. Zarzuelaren eta operaren arteko zubiak eraiki-tzea du xede kontzertuak. Bi genero handiak izango dira emanaldiko ardatz bakoitzaren berezitasunak azpimarratzeko eta haien arteko loturak musikazaleen aurrean jartzeko helburuarekin. Zarzuela, Espainiako musika dramatikoaren adierazpide gisa ezaguna, eta opera, nazioarteko musika lirikoaren gailurretako bat, elkarren ondoan aurkeztuko dira, estilo, egitura eta eduki aldetik duten aberastasuna azaleratzeko.

Kontzertuan entzungai izango diren operak, batez ere, XIX. mendeko Italiako bel cantoaren eta erromantizismoaren adierazgarri dira; zarzuelak, berriz, nagusiki XIX. mendearen amaierakoak eta XX. mendearen hasierakoak izango dira.

Emanaldian ahots bakarlariak (Ainhoa Franco eta Iñigo Vilas), pianista (M. Carmen Azpeitia) eta San Pedro Abesbatza arituko dira. Lankidetzari esker, publikoak aukera izango du musikaren historiako pasarte esanguratsu ba-tzuk gertutik entzuteko eta bizi-tzeko. Amaia Aldalur Goikoetxeak gidatuko du kontzertua.