Viveros San Anton, Gipuzkoako txapeldun

Zumaiako Txirrindulari Elkarteko kadeteak. /  VIVEROS SAN ANTON
Zumaiako Txirrindulari Elkarteko kadeteak. / VIVEROS SAN ANTON

El Diario Vasco
EL DIARIO VASCOZUMAIA.

Zumaiako Txirrindulari Elkarteko kadeteek taldekako erlojuaren aurkako txapelketa irabazi dute. Viveros San Antongo boskotea Enaitz Garai, Kimetz Etxabe, Ander Altuna, Aitor Agirre eta Heiko Mateosek osatu zuten, taldeak bostekoak baitira; «penaz Aritz Eizagirre kanpoan gelditu zen nahiz eta txapelketa besteekin batera prestatu», azaldu du elkarteko kide den Arritxu Iribarrek.

Legorretan jokatutako txapelketan 15 taldek parte hartu zuten; ibilbidea 26,400kmkoa eta eguzkipean jokatu ze, «tenperatura beroarekin Viveros San Antongo boskotea ondo egokitu zen. Hori bai, aurrez gogotik entrenatu eta prestatu zuten txapelketa. Aurreko hamabost egunetan lan bakarra izan da, Gipuzkoako txapelketa prestatzea eta garbi dago lanak fruituak ematen dituela» Zumaiako boskoteak ibilbidea 35 minutu eta 26 segundotan osatu zen. «Hauek erabil dezaketen garapena 52*16 izanda, izugarria da, bataz besteko abiadura orduko 45,5 km inguru. Denbora ikaragarria da, eta aldeak handiak izan ziren: bigarrenari, Andoaingoari, minutu bat eta hiru segundo; hirugarrenari, Caja Rurali, minutu eta 10 segundo, eta azkenari, 15.ari sei minutuko aldea Viveros San Antongo kadeteek», azaldu du Iribarrek.

Bost segundotan ondu zuten iazko irabazlearen denbora. «Lan bikaina kadete hauen kalitatearen erakusgarri, oso modalitate zaila da taldekako erlojuaren aurkakoa eta borobildu egin zuten», adierazi du. Talde titularretik kanpo Aritz Eizagirrek Tolosako bigarren taldearekin korritu eta 11. postu on bat lortu zuen.

Jubenilak Zumaian bi bakarrik izanik berez ezin zuten taldea osatu, eta parte hartzeko Tolosako Oriako taldeko hiru kiderekin elkartuta errepideratu ziren. 35 kilometroko ibilbidea osatu zuten eta zazpigarren sailkatu ziren. «Taldearen lanean Antton Tolosaren ekarpena funtsezkoa izan zen». Taldekako Gipuzkoako txapelketaren ondoren kadeteek lasterketa izan zuten Arrasaten. «Biharamuneko esfortzua oinetan izan arren lan ona egin zuten karrera oso gogor batean. Ander Altuna eguneko ihesaldian izan zen, mendiko saria irabazi zuen eta amaieran lehen multzoan 31. sailkatu zen.cAitor Agirrek eta Kimetz Etxabek hobeto amaitu zuten, esprintean itxita, Kimetz Etxabe ez zen konforme 7. postuarekin gehiagorako hankak bait zituen, Aitor Agirre berriz hirugarren sailkatu zen podiumera igoaz».

Kadeteek gaur goizean Tolosako Amaroz auzoan dute lasterketa, bi igoera gogorrekin (Altzo eta Leaburu) eta bihar arratsaldean jubenilek Zumarragan dute lasterketa, Euskal Herria torneorako puntuagarria ibilbide benetan exijentearekin, 105km eta ibilbidean Atagoiti, Gabiria, Izaga, eta Azkarateko igoeraz gain, bukaera Antiguan izango du karrerak.