Zumaia

Uxue Alberdiren 'Hetero' liburuaren aurkezpena izango da gaur

Uxue Alberdi bertsolari, kazetari eta idazlearen 'Hetero' liburuaren aurkezpena izango da gaur, 18:30ean, Zumaiako Emakumeon* Etxean. «Araua eta arrakala. Bien arteko tentsioan ageri zaizkigu ipuin hauetako protagonistak. Emakumezkoak dira ia denak, eta gizonez ari dira, nagusiki. Haiek euren gorputzetan, memoria afektiboan eta egunerokoan utzitako arrastoez. Gizonekiko espektatibez eta dezepzioez: unean bertan egin eta esan ez ziren horiez», aurreratzen du lanaren sinopsiak. Liburuaren idazle den Uxue Alberdik Danele Sarriugarte izango du solaskide.