Zumaia

0-6 urte bitarteko haurren gurasoei zuzendutako bizipen tailerrak, Jon Urdinetarekin

Guraso Eskolen barruan, bi bizipen tailer izango dira datozen asteetan, martxoan eta apirilean, hain zuzen. 0 eta 6 urte bitarteko haurren gurasoei zuzendutako saioak dira, eta Jon Urdineta psikomotrizistak gidatuko ditu.

Hala, jolasaren garrantziaz ariko dira lehenengo saioan, eta agresibitatearen eta identitatearen inguruko gaiak jorratuko dituzte bigarrenean. Bi saioak arratsaldez egingo dituzte, 17:30etik 19:30era bitartean.

Izen-ematea martxoaren 7a baino lehen egin beharko da, Branka Gizarte Zerbitzuen bulegoan edo e-mail bidez (brankaharrera@zumaia.eus). Matrikularen prezioa 20 eurokoa izango da. Antolatzaileek bi gurasoen parte-hartzea gomendatzen dute, eta aurreko urteetan parte hartu ez duten familiek lehentasuna izango dute izena ematerako orduan.

Zumaiako Udala da ekimenaren antolatzailea, eta Eusko Jaurlaritzaren laguntza jaso du programak.