Urratsa egiteko ordua heldu zaie Viveros San Antongo txirrindulariei

Pistako neguko Challenge-eko laugarren jardunaldia jokatuko da gaur eta Viveros San Antongo txirrindulariei heldu zaie urratsa egiteko ordua. Kadeteek Scratch eta puntuaketa lasterketak izango dituzte eta juniorrak, aldiz, Tempo eta Puntuaketa. Aurreko jardunaldietako lanak batuta, sailkapen nagusian Roman Zabaleta 10. da; Kimetz Etxabe 12.; Aitor Agirre 18. eta Mikel Mancisidor 36. Guztira 72 txirrindulari dira sailkapenean. Junior mailan, Antton Tolosa 30. da.