Txikixa Taberna Pulpo, lauko finalean

Txikixa Taberna Pulpok,  Euskadiko lauko txapelketa jokatuko du asteburu honetan. /  PULPO EK
Txikixa Taberna Pulpok, Euskadiko lauko txapelketa jokatuko du asteburu honetan. / PULPO EK

Usurbil, Tolosa Eskubaloia eta Gran Camping Zarautz taldeekin neurtuko da talde zumaiarra | Gizonezkoen jubenil mailako Euskadiko txapelketako azken fasea Usurbilgo Oiardo kiroldegian jokatuko da, gaur hasi eta igandea bitartean

El Diario Vasco
EL DIARIO VASCO ZUMAIA.

Txikixa Taberna Pulpo taldeak Euskadi txapelketako lauko finala jokatuko du asteburu honetan. Gizonezkoen jubenil mailako Euskadiko txapelketako azken fasea Usurbilgo Oiardo kiroldegian jokatuko da gaurtik, igandera bitartean.

Pulpoko mutilekin batera, honako talde hauek izango dira bertan: Usurbil K.E.; Tolosa CF Eskubaloia eta Gran Camping Zarautz ZKE.

Zumaiarrek hiru partida jokatuko dituzte eta lehen partida gaur, ostirala, 18:15etik aurrera izango dute; Txikixa Taberna Pulpo EK-ko jokalariek Tolosa CF Eskubaloia taldearen kontra jolastuko dute.

Bigarrena bihar, larunbata, 19:30ean Usurbil K.E.ren aurka jokatuko dute; eta azkenik, amaitzeko, igandean, 10:45ean Gran Camping Zarautz ZKE taldearekin neurtuko dira, horrela txapelketari amaiera emanez.

Espainiako txapelketa

Gizonezkoen jubenil mailako Euskadiko txapelketaren Final4 jokatzen duten lau talde hauek Espainiako txapelketako lehen fasean izango dira, gainera.