Zumaia

Sambou Diabyk eta Alex Urbietak 'Faisaien irla' aurkeztuko dute bihar Aita Marin

Asteburu honetan Sambou Diaby aktore zumaiarra protagonista duen 'Faisaien irla' filma eskaintzen ari dira Aita Mari zineman; hurrengo proiekzioak gaur eta bihar izango dira 19.30ean. «Faisaien uhartea munduko komunidade txikiena da. Urtearen erdia espainiar estatuarena da eta beste erdia frantsesarena. Bidasoa ibaiaren erdian azaleratzen da, bi egoerak banatzen dituen muga naturala. Laida eta Sambou, bertako bikote bat irlaren aurrean paseatzen. Bat-batean, bi pertsona ikusten dituzte ibaia igerian zeharkatzen, beste aldera iristen saiatzeko. Egun batzuk geroago, hilotz bat agertu zen uhartearen subiranotasun-trukean. Nor arduratzen da?», aurreratzen du Alex Urbietak zuzendutako lanaren sinopsiak.

Bihar, ikuslearen eguna, Sambou Diaby zein Alex Urbieta, filmaren zuzendaria, aretoan izango dira. Filma amaitutakoan, 21:00ak inguruan, ordu erdiko solasaldia eskainiko dute biek.

Bestalde, txikienek 'Una noche en el zoopolis' haurrentzako animaziozko filmaz gozatzeko aukera izango dute gaur, arratsaldeko 17.00etan.