31 ume saharaui Zumaiara asteburua pasatzera

El Diario Vasco
EL DIARIO VASCO ZUMAIA.

Darahli elkarteak urtean zehar sentsibilizazio eta laguntza humanitarioko proiektu ezberdinak aurrera eramaten ditu. Horien artean, hiru urtean behin, gazte talde handi batekin Tindufeko Saharar errefuxiatu kanpamentuetara bidaiatu eta, bertan, proiektu ezberdinak gauzatzen dituzte. 2018ko apirilean, 75 gazterekin izan zen azken bidaia. Gazte horiek, aurten, Larrabetzuko Bakeleku Udalekuan daude monitore lanak egiten; bertan, 9 eta 12 urte bitarteko 31 ume saharaui daude. Esperientzia honetan, 60 gazte ari dira parte hartzen.

Bakeleku Udalekua Larrabetzuko herri eskolan kokatuta dago. Bertan, 31 ume, bi arduradun saharaui, sukaldari bat eta 6 edo 7 Zumaiako Darahliko monitore daude. Hauek dira egin beharrekoak: eguneroko ohiko ekintza guztiak gestionatu, kirol, tailer eta irteera ezberdinak antolatu. Baita ere «haur guztiak mediku azterketa egitera eraman, bereziki batzuk dentistarenera, behar handia bai dute».

Bihar, Usurbilera eta Zubietara joango dira egunpasa guztiak eta, ondoren, Zumaiako hainbat familietan banatuko dira lo egiteko. Larunbatean, 10:00etatik aurrera, barku irteera izango dute, Zumaiako Udalaren harrera eta Santiago hondartzan jolasak eta bazkaria izango dituzte. Igandean, ordea, Zestoara joango dira. Bertan, Udalaren harrera egingo zaie eta, ondoren, puzgarriak eta herri bazkaria. Darahli elkarteak Zumaia eta Zestoako herritar guztiei ekintzetan parte hartzea gonbidatzen ditu.

Contenido Patrocinado

Fotos

Vídeos