'Pirata Garrapata' ikuskizuna, larunbatean Torreberrin

Pirata Garrapataren protagonista. / PATATA TROPIKALA
Pirata Garrapataren protagonista. / PATATA TROPIKALA

S.U.ZUMAIA.

'Pirata Garrapata' an-tzerkia eskainiko da larunbatean, 18:00etatik aurrera Torreberrin. Magia, antzerkia eta txontxongiloak tartekatzen dituen ikuskizuna da 'Pirata Garrapata', kutsadurak Naturan duen eraginaz hitz egin nahi duena.

«Pirata Garrapatak bidai izugarriak egin ditu mundu osoan zehar. Bidai guzti hauetan hainbat abentura bizi ditu: Indian, txirula magikoa aurkitu zuen...Australian, poltsa magikoa eta Errusian, era guztietako edalontzietan sartzea lortu zuen. Eta oraingoan Zumaiara iritsi da!», dio sinopsiak. Pirata Garrapatak bere lagun txotxongilo Bixigu Begi Gorri, Plakton eta Pulpi olagarroa izango ditu lagun abentura izugarri honetan, eta itsaspean dagoen arazoa konpontzea izango dute helburu.

Bixigu begigorrik itsasoan arazo izugarri bat dagoela kontatuko du. «Lortu ahal izango du, Pirata Garrapatak, arazoa konpontzea?» Patata Tropikala konpainiaren eskutik, itsasoaren bizimodua ezagutzeko aukera izango dute antzezlanarekin batera larunbatean Torreberrira hurbiltzen direnek. «Hurbil zaitez larunbatean, arratsaldeko 18:00etan Torreberrira itsasoan murgildu eta abentura honetan parte hartzeko».