Musika eta Dantza eskolako hainbat ikastarotan izena emateko aukera zabalik

Txori Txiki Musika eta Dantza Eskolaren hainbat ikastarotan izena emateko aukera dago datorren astelehenera arte. Hauek dira izen eman ahal diren ikastaroak: antzerkia, musika tailerra, dantza garaikidea eta plaza dantzak.

Antzerkiko (8-12 urte, 12-16 urte eta 16 urtetik gora) klaseak asteartetan izango dira Ubillosen, Esti Curiel eta Inaxio Tolosarekin, eta ikasturtearen kuota 27 eurokoa izango da. Musika tailerreko (2-3 urte) klaseak ostiraletan emango dira Zumaienan, Sofia Oriarekin; kuota 16,50 eurokoa izango da.

Dantza garaikideko klaseak asteartetan izango dira Zumaienan, Garazi Etxabururekin. 28 euroko prezioa izango du ikastaro onek. Plaza dantzak, berriz, asteazkenetan izango dira Torreberrin, 14:45etik 16:15era, Aitor Aizpuruarekin; prezioa 28 eurokoa da.

Klaseak urriak 1etik urtarrilak 31ra bitartean eskainiko dira, luzatzeko aukerarekin.

Ikastaroetako matrikulazioa Ubillosen egin daiteke, 17:30etatik 19:30etara, 943861183 telefono zenbakira deituta edota musikaeskola@zumaia.eus helbide elektronikora idatzita hilaren 23a baino lehen.