'Mimatu', barrutik eta kanpotik zaintzeko festa ospatuko da gaur Gernika parkean

El Diario Vasco
EL DIARIO VASCOZUMAIA.

Coro Prieto Estetika Zentruak 40 urte betetzen ditu eta ospatzeko zumaiar guztiak gonbidatu nahi ditu gaur prestatu duen 'Mimatu' izeneko festara. «Barrutik eta kanpotik zaintzeko festa honetan protagonista gure burua eta honen ongizatea izango dira», azaldu dute zentrotik.

Festa goizeko 9:30etatik 14:30era egingo da Gernika parkean eta Zumaiako beste merkatari batzuen laguntzarekin ekintza sorta bat antolatu dira festaren hariaren inguruan.

Ekintzak

Hala, 9:30ean, Yoga ikastaroa eskainiko da Surfing Zumaiaren eskutik; 10:30etan, Maiaur-ek prestatutako gosari osasuntsua; 11:00etatik aurrera, totebag bat pintatzeko tailerra eta mandalak marrazten erlaxatzeko momentua izango da Mandala Paperdendarekin; 11:30ean, Nail Art, Coro Prietok atzazkalak pintatzeko txokoa eta 12:30ean, On Gourmetek prestatutako pikoteoa, Jone & Co.-ren kontzertuaz gozatu bitartean. 14.30etan festa itxiera izango da.

Sarrera irekia izango da guztientzat baina yoga ikastarorako eta tailerrentzako toki mugatuak izango dira. «Gure burua zaintzeko tartetxo bat hartu eta egunaz gozatzera gonbidatuta zaude!», diote.