Kamikaz Kolektiboaren 'Käffka' antzezlana ostiralean, Aita Mari aretoan

Käffka antzezlanaren une bat.  /  KAMIKAZ KOLEKTIBOA
Käffka antzezlanaren une bat. / KAMIKAZ KOLEKTIBOA

El Diario Vasco
EL DIARIO VASCO ZUMAIA.

Kamikaz Kolektiboak 'Käffka' antzezlana taularatuko du ostiralean, Aita Mari aretoan. 2049. urtean girotutako istorioa kontatzen du antzerkia. «Sistemarentzako nerabezaroa kontrolatu beharreko etapa bat da. Pasioak ez du lekurik gizarte berri honetan. Nerabeen pasioek eragin ditzaketen arriskua eta kaosa ekidin nahian sortu dira Käffka eremuak», dio sinopsiak. Kontestu honetan ezagutuko dira obraren bi protagonistak, Lirian eta Orion.

Antzerkia, nerabe eta helduentzat zuzenduta dago. Hala, bi saio eskainiko: 11:30ean eskoletako ikasleentzat izango da eta 22:00etan, saio irekia.

Sarrerak sei eurotan daude salgai turismo bulegoan, lau eurotan Gazte Txartelarekin erosita.

Gehitu elkartea, Kamikaz Kolektiboarekin harremanetan jarri zen, aniztasun sexu-afektiboaren sensibilizazioa eta ikusgarritasuna jorratzeko antzezlan bat sortzeko helburuarekin. Ondoren, Ortzadar LGBT elkarteak ere bat egin zuen. Proiektua bereziki nerabeei zuzendua dago eta helburu didaktikoa du. Amancay Gaztañaga eta Erika Olaizola dira Käffka antzezlanaren zuzendariak, eta oholtza gainean bost aktore arituko dira: Edurne Azkarate, Amaia Irazabal, Iraia Elias, Oier Guillan eta Mikel Ibarguren.