Zumaia

Jon Maiaren 'Harri eta Herri' ikuskizunaren proiekzioa, bihar

Jon Maiak pasa den maiatzaren 24an Itzurungo hondartzan eskainitako Harri eta Herri ikuskizuna bihar, hilak 19, 19:30ean proiektatuko da Aita Mari aretoan. Saioa doakoa da, baina joateko beharrezkoa da gonbidapen bat izatea; Turismo Bulegoan eros daitezke, agortu arte.

ETBn eman aurretik, aurrestreinaldia egingo dute Zumaiako Aita Mari zineman. Proiekzioak ordu eta erdiko iraupena izango du. Ondoren, ekainaren 21ean, 21:30ean, emango dute ETB1n.

Bakoitzak bi gonbidapen eskuratu ahal izango ditu, eta eserlekuak zenbakitu gabeak izango dira. Kultura sailetik gogorarazi dute gonbidapena alferrik galtzeak beste pertsona bati ekitaldiaz gozatzeko aukera kentzen diola.