Itsasotik Herrira ekimena, ostiral honetan Zumaian

DV ZUMAIA.

Asteburu honetan eskualdea astinduko du itsasaldeko sormen, kultura eta gastronomia olatuak. Bi egunez, 5 herritan 30 ekimen baino gehiago eskainiko dira. Zumaiari dagokionez, ostiral honetan ospatuko da. Hasteko, Amaia Zinkunegi, Aran Santamaria eta Ander Ormazuri artisten erakusketa egongo da kofradian: 12:00etatik 14:00etara eta 18:00etatik 20:00etara izango da ikusgai. 16:00etan, eskualdeko ontzigintzaren historiari buruzko erakusketa izango da kofradiako plazan eta 17:00etan batel erakustaldia ibaian, Beduola elkartearen eskutik. Ondoren, 18:00etatik aurrera, Flyscheko olagarroaren urratsak jarraituz: pintxoa eta txakolina (Kosta Gastronomikak antolatuta). Amaitzeko, 22:00etan Buffalo taldearen kontzertua kofradian.

Lankidetza ardatz, aurtengo Kosta Gastronomika jardunaldiak Sorkide, Urola Kostako Kultura eta Sormen Industrien ekimen berritzailearekin uztartuta osatu da 'Itsasotik Herrira' jaialdia. Hau da, egitasmoa Urola Kostako Udal Elkartearentzat estrategikoak diren bi proiekturen bateratzetik jaio da.

Programa osoa eta informazio gehiago, www.itsasotikherrira.eus atarian.

Contenido Patrocinado

Fotos

Vídeos