Iñaki Arrillaga artistaren 'Zergatik hamalau' erakusketa ikusgai Oxford aretoan

El Diario Vasco
EL DIARIO VASCOZUMAIA.

Iñaki Arrillaga artista oriotarraren 'Zergatik hamalau' erakusketa zabalduko da gaur, 18:30ean, Alondegiko Oxford aretoan.

Jorge Oteiza herrikidea izan du abiapuntu bere eskultura eta margoak sortzeko orduan, bere ukitu pertsonala emanez. Azken urteotan egindako lanak erakutsiko ditu Zumaian. Erakusketa bi zatitan banatzen da: eskultura eta margoak. Lehenengoari dagokionez, Oteizak eginiko lanei bere interpretazioa gehitu die: «Arantzazuko Apostoluak arraunlariak balira bezala daude irudikatuta; “zergatik hamalau?” galdetzen ziotenean eman ohi zuen erantzuna apostoluak arraunlariak izango balira bezala irudikatzea izan da asmoa».

Margoak

Bestalde, margoak dira erakusketaren beste erdia: akriliko zein collage teknikak erabiliz, hirugarren dimentsioa aurkitzeko helburuarekin kaxa hutsak zabaltzen ditu Arrillagak, Malevichek egiten zuen modura. Ondoren elementu geometriko horiei kolore ezberdinak ezartzen dizkio, armonia zein ordekaz espazioa okupatuz.

Erakusketa irailaren 1era bitartean egongo da ikusgai Oxford aretoan, 18:30etatik 20:30era.