Zumaia

Hondarrezko eskultura tailerraren lehen saioa gaur egingo da Santiago hondartzan

Aurten ere, hondarrezko eskultura tailerraz gozatzeko aukera izango dute haurrek Santiago hondartzan. Tailerra Andoni Bastarrika artista azpeitiarrak gidatuko du beste behin, eta bi saio ireki egingo dira. Lehen saioa gaur bertan izango da, hilak 7, 11:00etatik 14:00etara, eta haurrek zein gurasoek itsasoko animaliak hondarrarekin eraikitzen gozatuko dute. Bigarren saioa abuztuaren 22an izango da, ordu berean, Santiago hondartzan.