Zumaia

Hitzordu berriak Aita Mari aretoan gaur eta bihar

Gaur, 17:00etan, 'Klara eta hazi magikoen misterioa' eskainiko da Aita Mari aretoan (3,5 euro). «Eta euririk, eguzkirik edo lurrik gabe ere loratu litekeen hazirik balego? Eta norbaitek lapurtu badu? Klara behi nerabe ausartak misterio bat argitu beharko du Agatha Christensen untxi detektibearekin: hazi miraritsuaren desagerpena ganadua daraman trenaren barruan», dio sinopsiak. Bestalde, François Ozon zinemagile frantziarraren 'Cuando cae el otoño' filma gaur eta bihar eskainiko da 19:30ean (5,5 euro). «Michellek, alderdi guztietan sasoi betean dagoen amonak, erretiro lasaia bizi du Borgoinako herrixka batean, eta han bizi da Marie-Claude ere, bere lagunik onena. Santu Guztien Egunean, Valérie alaba Lucas biloba eskola-oporretako astean uzteko asmoz etorri zaio. Baina ez da ezer espero bezala gertatuko», aurreratzen du sinopsiak. Bi filmetarako sarrerak www.sarrerakzumaia.eus webgunean edo Aita Mari zinema-aretoko leihatilan eros daitezke.