Gure Zirkua, bihartik igandera bitartean Zumaian izango da

Aitzuri pilotalekuaren aurreko zelaian izango da eta bost saio eskainiko dira

SARA UTRERA ZUMAIA.

Hilabete askoko lanaren ondoren, arrakasta handiz abiatu du Gure Zirkuak lehen bira. Euskal artistez osatutako zirku ibiltaria Urola Kostan da. Bigarren geldialdia Aian egin eta gero, Zumaiaren txanda da.

Hirugarren geldialdia Aitzuri pilotalekuaren aurreko zelaian egingo da, bihartik igandera bitartean, eta ordutegia honako hau izango da: bihar eta ostiralean 19:00etan; larunbatean, 17:00etan eta 20:00etan, eta, igandean, berriz, azkeneko saioa, 17:00etan.

Azken sarrerak gaur 17:00etatik aurrera jarriko dira salgai zirkuko txarteldegian. Informazio gehiago: www.gurezirkua.eus.

Akrobatak, magoak, trapezistak eta beste hainbat disziplina desberdinetako hamar artista euskaldunek hartzen dute parte Gure Zirkuan, Iker Galartza aktorea buru dutelarik.

Contenido Patrocinado

Fotos

Vídeos