Guraso eskolan izena emateko epea bihar amaituko da

El Diario Vasco
EL DIARIO VASCO ZUMAIA.

Udaleko Hezkuntza Sailak eta Gizarte Zerbitzuek elkarlanean antolatuta, guraso eskolak egingo dira aurten ere Zumaian. Hiru gai landuko dira bakoitza modu independentean:

0-8 urte bitarteko haurren gurasoekin pentsatuta, horientzako psikomotrizitate tailerra egingo da, Jon Urdineta eta Itziar Rosado psikomotrizisten eskutik. Bizipenetan oinarritutako haurraren emozioak ulertu eta kudeatzeko bi saioko tailerra izango da. Hilak 23an lehen saioa egingo da 'Haurra ulertzen dugu?' izenburupean. Bost puntu landuko dira: Amorrua, haserrea; frustrazioa, ezetza; tonua, begirada; konfiantza, anbibalentzia; auto erregulazioa eta autokontrola. Bigarren saioa hilak 30ean izango da 'Zer da guraso izatea?' izenburupean. Galdera hauek landuko dira: Gustura egiten dugu?, Hobetu dezakegu?, Zerbait berria probatu nahi duzu?, Kalitatea edo kantitatea?, Zer transmititzen diegu?, Haurraren beharrak eta gure beharrak?

Bi erreferente badaude bi saioetara joatea gomendatzen da. Biak 10:00etatik 12:30era izango dira. Parte hartzeko izena eman beharko da eta 20 euro ordaindu ES28 2095 5174 90 1060024873 (Kutxabank). Interesdunek Brankan edota Udaleko Euskara eta Hezkuntza sailean eman ahal izango dute izena, azken eguna bihar, hilak 13a izango da. Izena emateko 943.862200 (Branka) edo 943.865025 (Euskara eta Hezkuntza saila, luzapena 110)

Bigarren tailerra haurtzaro amaieran eta nerabezaro hasieran dauden haurren gurasoentzat da: 'Internet eta mugikorra; segurtasuna gurasoen esku' hiru saioko tailerra egingo da Rakel Gamito adituaren eskutik. Parte hartzeko izena eman beharko da eta 20 euro ordaindu. Interesdunek Brankan edota Udaleko Euskara eta Hezkuntza sailean eman beharko du izena. Amaitzeko, Ana Isabel Estevez adituak '¿Por qué apuestan los jóvenes?' hitzaldia emango du (gazteleraz). Hau doan izango da.