Euskal Jai Eguneko bazkari herrikoian eta sagardo dastaketan lana egiteko deialdia

El Diario Vasco
EL DIARIO VASCO ZUMAIA.

Datorren abuztuaren 10ean ospatuko da Euskal Jai Eguna Zumaian. Ohikoa denez, herri bazkaria eta sagardo dastaketa izango dira egitarauaren barne eta, bietan ere, taldeentzako moduko lana aurreikusten da.

Bazkari herrikoian talde batentzat lana eskainiko da. Hau izango da bere eginkizuna: 400 laguneri herri bazkaria zerbitzatzeko beharrezkoak diren azpiegiturak, tresnak ezartzea, bazkaria atera, txartelak kendu eta karpara sarrerak zaintzea, eta txukuntze eta jasotze lanak. Sagardo dastaketan berriz, 10 sagardotegitako sagardoa eskainiko da, eta horretarako, aurrez edalontziak salduko dira. Hala, taldearen lana izango da egun horretan postuak ezartzea, basoak saldu eta sagardoa banatzea, eta aurrez eta ondoren beharrezko lanak egitea.

Izena eman nahi duten talde edo elkarteek hilaren 23a arte izango dute epea, Alondegia kultur etxean (943.861056 edo kultura@zumaia.eus). Izen ematearen arabera, taldeei bilera batera dei egingo zaie eta beharrezko azalpenak emango dira. Taldeen arteko zozketa bilera horretan bertan egingo dute.

Zumaiako herria edota bere biztanleen onurarako, kirol, kultur edo gizarte mailan, etekin ekonomiko propiorik gabe, modu iraunkorrean lan egiteko eratu diren elkarteak aurkez daitezke, batik bat. Elkarte hauek, Udalak herriko taldeen artean diru-laguntzak emateko ordurako onartutako oinarri berak bete beharko dituzte (Gizarte Segurantzarekin eta Ogasunarekin zorrik ez dutela ziurtatu). Horrez gainera, euskaraz jarduteko gai izan beharko dira eta, batik bat, sagardoa banatzeko orduan, ez dira adin txikikoak izango.

Contenido Patrocinado

Fotos

Vídeos