Autobus zerbitzua eskainiko da asteburuan Artadira joateko

S. U. ZUMAIA.

Atzo eman zitzaien hasiera Artadieko samiel jaiei. Gaurko jardunaldian, besteak beste, meza, afizionatuen lehen mailako pilota partida, txakolin dastaketa eta Amets Arzallus eta Andoni Egaña bertsolarien eta Ion Ostolaza eta Rakel Pujana trikitilarien saioak izango dira. Gainera, asteburu honetan, lehen aldiz, autobus zerbitzua egongo da Artadira joateko eta Zumaiara bueltatzeko. Gaur, 10:00etatik 14:00etara eta 16:00etatik 20:00etara eskainiko da autobus zerbitzua (Patxita Etxezarretatik, orduerdiroko maiztasuna).

Bihar, berriz, autobus zerbitzua 10:00etan hasiko da eta 10:30etik aurrera orduro eskainiko da Zumaia-Artadi-Zumaia ibilbidea eginez, 14:00ak arte. Eta arratsaldean Zumaiara bueltatzeko autobus bakarra egongo da 17:00etan. Bestalde, gaurko Euskal Kosta Krosean irekita egongo da Artadirako bidea, kostaldeko errepideko norabide bat irekita egongo baita.

Contenido Patrocinado

Fotos

Vídeos