Artadiko jaiak gaur amaituko dira

Afizionatuen lehen mailako pilota partidua ikusten. /SARA UTRERA
Afizionatuen lehen mailako pilota partidua ikusten. / SARA UTRERA

SARA UTRERA ZUMAIA.

Ostiralean eman zaie hasiera Artadiko Samiel jaiei, giro ederrean. Atzo, Mikel Deunaren egunean, meza afizionatuen lehen mailako pilota partidua, txakolin dastaketa, Ion Ostolaza eta Rakel Pujana trikilariak, eta Amets Arzallus eta Anoni Egañaren bertso saioa izan ziren, besteak beste. Pilota partida Salaberria eta Zezeaga gerriko urdindunak irabazi zuten 25-18, Canabal eta Aldabe gerriko gorridunen aurka; azken hauek Exposito-Bikuña bikotearen ordez jolastu zuten norgehiagoka.

Gaurko ekitaldiak goizeko 11:00etako mezarekin hasiko dira. 12:00etan herri kirol ikuskizuna izango da: Iñigo Landa eta Jon Esnal (Arrilla III) aizkolariak, eta Imanol Kortaberri eta Jokin Eizmendi harrijasotzaileak arituko dira. Ikuskizuna Laja eta Alabier trikitilarien trikitixa doinuekin alaituta egongo da eta haurrentzako puzgarriak ere egongo dira, (17:30etik aurrera berriz). 13:00etan sagardo dastaketa egongo da eta 14:30ean auzoko eta elkarteko jubilatuen bazkaria. Arratsaldeko 16:30etik aurrera, Arno zezenak eta pottokak.

Amaitzeko, Artadiko XX. Trikitilari txapelketa 18:00etan hasiko da eta bikote hauek lehiatuko dira: Eneko Arbeo eta Mireia Ibabe; Lierni Tolosa eta Enaitz Alberdi; Andoni Oruesagasti eta Uxue Kerejeta; Eder Tolosa eta Lierni Tolosa. Aurtengo Samiel jaiak Laja eta Alabierren erromeriarekin amaituko dira.

Doako autobus zerbitzua

Gaur ere doako autobus zerbitzua eskainiko da (Patxita Etxezarretatik): 10:00etan eta 10:30ean; 11:00etatik aurrera orduro Zumaia-Artadi-Zumaia ibilbidea eginez, 14:00ak arte. Eta arratsaldean, berriz, bueltatzeko autobus bakarra 17:00etan.

Temas

Jaiak

Contenido Patrocinado

Fotos

Vídeos