Zumaia

'Animo' filmerako sarrerak, gaurtik salgai

Alex Tellok zuzendu eta Telmo Irureta zumaiarra protagonista duen 'Animo' filmerako sarrerak gaur jarriko dira salgai, 12:00etan, sarrerakzumaia.eus atarian. Filma ostiralean eskainiko da, 19:30ean, Aita Mari aretoan, eta bertan izango dira zuzendaria eta aktorea.

'Animo' Alex Telloren lehen film luzea da eta zortzi urteko lanaren emaitza. 2017an Alex Tellok 'Azken muxua' laburrarekin hasi zuen film luzea da. Telmo Iruretaren interpretazioak inklusioari beste buelta bat ematen dio bertan. Familia, homosexualitatea eta eguneroko hainbat egoera ikuslearentzako identifikagarriak gertatuko dira. «Aitor etsirik eta Leire kezkaturik. Mirenek ez du loturarik. Itxasok badu kanta berririk, aldiz, Amets dabil isilik. Hemen inork ez du barre egiteko motiborik. Bizitzaren aurrean, ihesbideak baino, aukeran hobe heldulekuak izatea», dio sinopsiak. Film luzeak, gainera, Xabi Sagastak sortutako ilustrazioak ditu.