Zumaia

Alex Tellok eta Telmo Iruretak 'Animo' film luzea aurkeztu dute

Alex Tellok zuzendu eta Telmo Irureta protagonista duen 'Animo' lana eskaini zen ostiralean Aita Mari aretoan. Bertan izan ziren zuzendaria bera –bere lehen film luzea aurkezten– eta aktore zumaiarra. Gainera, denbora izan zuten filmaz gozatzera hurbildu zirenei hitz batzuk eskaintzeko.

Bestalde, berriki jakinarazi dute Iruretari Talia Sari Berezia aitortuko diotela. Aldaketa soziala eta arte eszenikoen inklusioa aitortzen ditu sari honek. Arte Eszenikoen Akademiak ostegun honetan jakinarazi duenez, ONCEk babestutako sari hau «arte eszenikoetan garrantzi berezia duten pertsona edota erakundeei zuzenduta dago».