Abian da Julene Azpeitia ipuin lehiaketaren XXXI. edizioa

Julene Azpeitia ipuin lehiaketaren kartela. / UDALA
Julene Azpeitia ipuin lehiaketaren kartela. / UDALA

Lanak euskaraz idatzitakoa, originala eta argitaragabea izan behar du, eta idatziak aurkezteko azken eguna irailaren 30a izango da

El Diario Vasco
EL DIARIO VASCO ZUMAIA.

Urtero legez, abian da dagoeneko Julene Azpeitia ipuin lehiaketa. Aurtengoa lehiaketaren 31. edizioa izango da eta helburu du parte-hartzaileen artean literatur sorkuntza bultzatu eta indartzea.

Idatziaren gaia librea izango da eta parte hartu ahal izateko baldintzen artean, azpimarragarrienak, idatzia euskara hutsean izatea, aurretik argitaratu gabe egotea eta 6-15 orri arteko luzera izatea dira. Lanak udaletxean edo posta elektronikoz aurkeztu ahal izango dira euskara@zumaia.eus helbidean. Edozein kasutan, idatziak aurkezteko azken eguna irailaren 30a izango da.

Sariak

Zumaiako Udalak izendatutako epaimahaiak ebatziko du lehiaketa eta honen baitan, hiru sari banatuko dira: lehen saria 3.000 euro; bigarren saria 1.500 euro; eta Zumaiako onenaren saria, 1.000 euro.

Lehiaketan parte hartzeko oinarri eta baldintzen informazio gehiago, www.zumaia.eus udal webgunean izango dute eskuragarri interesdunek.

 

Fotos

Vídeos