Zarautz

Zarauzko Boley-ak Euskadiko Txapelketan lehen esperientzia

ZKE boley taldeko kide den Luis Herranz-ek jakinarazten gaituen bezala, Aidean nesken jubenil mailako taldeak Euskadiko txapelketari ekin zion asteartean Deustuko Unibertsitateko Jainkoaren Ama taldearen aurka, Gipuzkoako sailkapenetan parte hartu zuten talde guztiak mendean hartu ondoren.

Lehendabiziko set-ean 25-22 galdu eta bigarrenean 21-25eko emaitzarekin irabazi ondoren, hirugarrenean 15-10 galdu zuten zarauztarrek.Kanporatuak izan arren, goi mailako txapelketa batean izandako lehen esperientzia izan da beraientzat, eta oso pozik. Gainera, Gipuzkoako ligako hurrengo faserako sailkatuak daude.

Halaber, Aidean Salbatore Mitxelena gizonezkoen katedeteek, Euskadiko txapelketarako sailkatu ondoren, Lekeition jokatuko dituzte kanporaketak, hil honen 12an. Bestalde, junior mailako taldeak Euskadiko txapelketa Galdakaon du bihar.

Eta, azkenik, Aidean Salbatore Mitxelena Gipuzkoako emakumezkoen kadete txapelketako azken partidak jokatzen ari da, bigarren postuaren bila.