Zarautz

Zarauzko Beteranoen ibilaldia Aralar zerraren ekialdean dagoen Baraibarrera 25ean

Pagoeta Mendizale Elkarteak antolatuta Zarauzko Beteranoen XXII. Ibilaldia egingo dute maiatzaren 25ean eta Aralar zerraren ekialdean dagoen Baraibar eta inguruetan ibiliko dira. Maila ezberdineko bi ibilaldi antolatu dituzte. Batetik, Baraibar – Iribas – Basakaitz iturburua Aitzarrateta iturburua -Muzkua muinoa – Baraibar, 10 kilometro inguruko ibilaldia eta, bestetik, Baraibar – Iribas – Aitzarrateta iturburua – Iribas, zerbait motzagoa, 6,3 kilometro.

Eguna borobiltzeko, Baraibar Ostatua Jatetxean bazkalduko dute. Autobusa eta bazkaria barne, prezioa 33 eurokoa izango da.

Izen ematea, Pagoeta Mendizale Elkartean egin daiteke, bihar eta etzi (osteguna eta ostirala), arratsaldeko, 18:30etik 20:00etara. Irteera ordua, 8:30ean, Agoues-eneko biribilgunetik eta gero Iñurritzako geltokian.