Zarautz KE futbol taldeak Hirugarren Mailara igotzeko txartela lor dezake Zumarragan

Arratsaldeko 17:30ean hasiko dira Ohorezko Erregional Mauilako bi norgehiagoka erabakigarri. Zumarragan, Urola eta Zarautz aurrez aurre izango dira eta Donostian, Añorga eta Beti Gazte.

Partida hauetan erabakiko da sailkapenean nork bukatzen duen lehen postuan eta nork bigarrenean, Lehendabizikoak Hirugarren Mailara igotzeko txartela eskuratuko du gaur eta bigarrenak playoffa jokatuko.

Aukera handiagoak dituzte añorgatarrek. Etxean jokatzen dute eta puntu bat lortzea nahiko dute txapeldunak izateko. Gainera zarauztarrek irabaztea ez badute lortzen, igo egingo dira baita.

Bestelakoa da Joseba Rotetaren taldearen egoera, Urolarekin Argixao futbol zelaian jokatzen du eta behartuta dago garaipena lortzera. Beste emaitzak, berdinketak edo porrotak, bigarren utziko du. Hori bai, playoffa zihurtatua dauka. Irabazita ere, Rezolan, Añorgak galdu egin behar du zarauztarrak lehen postura igotzeko, Zaila baina ez ezinezkoa.