Ulacia Grupok lehenengo mailako txapeldun izateko aukera du gaur

Horretarako beste emaitzen zain egon ordez, Durangoko Tabirakori irabazi behar dio Gernikan

El Diario Vasco
EL DIARIO VASCO ZARAUTZ.

Jokin Collantesen mutilek sekulako denboraldia egin dute eta, horri esker, azken jardunaldian txapeldun izateko aukera bereganatu dute. Azkeneko jardunaldira lidertzan iritsi dira zarauztarrak Disdira ISB Azpeitiarrekin garaipenekin berdinduta, baina beraien aurkako bi garaipenek abantaila ematen diete gure mutilei. Txapeldun izateko biderik errezena Gernikan garaipena lortzea izango da baina galtzekotan, Azpeitiarrek Logroñoren aurka galduko balute gure mutilek lehenengo postua lortuko lukete ere.

Ez dute aurkari erreza izango aurrean, Durangoko Tabirako ligako hirugarren sailkatua delarik eta igoerako Final Fourra prestatzen dago azken asteetan. Beraien ohiko kiroldegian ezingo dute jolastu eta partida Gernikako Malosten jolastuko da gaur, larunbata, arratsaldeko 18tan. David Tudela pibota da beraien jokalari nabarmenena, baina talde orekatu bat da saskiratzeko aukera duten hainbat jokalariekin eta jokalari fisikoekin. Ulacia Grupori lagundu nahi duten zaleek 15:30tan Agoueseko rotondan autobusa hartzeko aukera izango dute.