Zarautz
Txinpirin eta Zarazte abesbatzak, gaur eguerdian Iñurritzako zelaian

A. E.

zarautz.

Viernes, 23 de mayo 2025, 20:28

Txinpirin abesbatzak (7-11 urtekoak) eta Zarazte abesbatzak (11-18 urte bitartekoak) Udaberriko kontzertua emango dute gaur Iñurritzako zelaian, eguerdiko 12:30ean hasita.

Badira urteak udaberri garaian Txinpirin eta Zarazte abesbatzek ikasturtean landutako kantuekin Iñurritzako zelaian kantu saioa eskaintzen dutela. Poligono-Zelaieko jolas tokian ere jardun izan zuten abesten, merkatu plazan, Torre-Luzeako parkean, iaz Santa Marinan...

Aurten ere, Iñurritzako parkearen xarman eta Iñurritzako jubilatuen elkartearen laguntzaz, zuhaitzen artean eta Xabier Egañaren margolanaren aurrean jardungo dute gaztetxoek euskal kantu eta lurralde ezberdinetako kantuak senide, lagun eta ibiltarien aurrean abesten.

Entzutera gerturatzeko, gonbita berezia herriko gaztetxoei egiten zaie. Eguraldia lagun, eguerdi eder bat igarotzeko aukera herriko haur eta gaztetxoak kantuan entzunaz. Herritar guztiak ongietorriak izango zarete eguerdiko kantu saiora.