La Sallen ospakizunez betetako egunak

Izan ere, maiatzaren 15ean La Salleren III Mendeurrena betetzen da eta hori dela eta asteartean La Salle ikastetxeak egun berezia du

El Diario Vasco
EL DIARIO VASCO ZARAUTZ.

Maiatzaren 15ean, Juan Bautista La Sallekoa hezitzaileen zaindari izendatu zuten. Horregatik, egun horren inguruan, urtero ospakizun bereziak antolatzen dira. Ziur La Salleko ikasle ohiek ere gogoan dituztela egun hauetan jokatzen diren Olinpiadak. Zuri, gorri, berde eta urdinak lehian, baina baita elkarrekin dantzan eta kantuan ere.

Baina aurtengoa, benetan berezia egiten duena, III. Mendeurrena da. 300 urte betetzen baitira Juan Bautista La Sallekoa hil zela eta hori dela eta maiatzaren 14an Espainia eta Portugaleko La Salle zentro guztiek (120 inguru), fundatzailearen heriotza gogoratzeko, ekitaldiak antolatu dituzte.

Herrian ospakizuna

Zarauzko La Salleren kasuan eskolako txikienek, LH4tik beherakoek, herrian bertan egingo dute ospakizuna. Musika Plazan harrera egin ostean, III. Mendeurreneko dantza egingo dute. Ondoren, oroitzapenezko ospakizuna parrokian eta hamaiketakoaren ostean Munoan izango dira jolasean.

LH5etik gorakoak, aldiz, Donostian izango dute festa eguna. Urgulen elkartuko dira Gipuzkoako gainontzeko La Salle eskolakoekin, 3.000 lagun inguru, eta ondoren, San Bizente elizan oroitzapenezko ospakizun laburra egin eta Groseko hondartzan azken asteotan ikasitako koreografia egingo dute III. Mendeurreneko abestiarekin.

Ikastetxetik dei egiten dute egun hau beraiekin batera ospatzera eta ekitaldietara agertzeko gonbidapena luzatzen dute.