Realeko fitxaketa berriak ikusteko aukera izango da larunbatean, Astin

Aurkezpena. Belen Murua, Joseba Ibarburu eta Iñigo Ameztoi atzoko agerraldian./ETXEBERRIA
Aurkezpena. Belen Murua, Joseba Ibarburu eta Iñigo Ameztoi atzoko agerraldian. / ETXEBERRIA

Reala eta Racing de Santander neurtuko dira arratsaldeko 19:00etan, Kilometroaken alde antolatu den neurketan

ANTXON ETXEBERRIAZARAUTZ.

Realak Kilometroaken alde jokatuko du larunbatean Zarautzen, Astin, arratsaldeko 19:00etan. Fitxaje berri ugari egin ditu eta horiek ikusteko aukera izango da, Joseba Ibarburu Realeko presidenteordeak atzo goizean Zarautzen azaldu zuenez. Agerraldia egin zuen Ibarburuk, Iñigo Ameztoi Zarautzko ikastolako lehendakariarekin eta Belen Murua zuzendariarekin batera, ikastolan. Izan ere, Realak Kilometroak festaren alde jokatuko du larunbatean Zarautzen Santanderko Racing-en aurka.

Realak ikastolekin eta euskararekin duen atxikimendua azpimarratu zuen Ibarburuk. Horren erakusle da aurten bi partida egingo dituztela ikastolen alde: bata, Zarautzen; bestea Donibane Lohitzunen, abuztuaren 11an. Espainiako Kopa irabazi zuten Realako neskek, eta horiek izango direla Donibane Lohitzunen.

Muruak eta Ameztoik Ibarbururi eskertu zioten Realak Kilometroaken alde jokatzea. Muruak gogoratu zuen mende erditik gora igaro dela euskarazko hezkuntzaren aldeko apustu sendoa egin zutenetik ikastolek, eta ildo pedagogikoan berritzaile izaten segitu nahi dutela gaineratuz. Kilometroetan jasotako laguntza horretara bideratuko da. Ameztoik euskara eta Euskal Herria dituela ardatz ikastolak azpimarratu zuen: «Hezkuntza proiektu bakarra da hori eskaintzen duena». Horretaz gain, gogoratu zuen Reala-Racing partida antolatzeko atzeko lan handia dagoela, eta kasu honetan ere, auzolana ezinbestekoa dela hau aurrera ateratzeko. «Ikastolen filosofiaren beste ardatza hauxe da, auzolana»; bolondresak lanean arituko dira egun bertan Astira doan trafikoa zuzentzen, takillan, jendea tribunetan eser-tzeko laguntzen, megafonian....

Gogoratu zutenez, sarrerak salgai daude Zarautzen, Txiki-Politen, Eguzkin, Joen eta Gurian, eta bestela, egunean bertan lortu ahal izango dira, 17:00etatik aurrera irekiko duten lehiatilan. Tribunan 400 eserleku inguru izango dira eta prezioa 18 euro; sarrera arrunta 15 euro eta 12 urtetik behera, 8 euro.

Realarentzat aurre denboraldiko bigarren norgehiagoka izango da. Aurrekoa Azpeitian jokatu zuen, eta larunbatean Zarautzen ondoren, Inglaterrara bidaiatuko du Notttingham Forest, Millwall FC taldeen aurka jokatzeko, eta uztailak 31ean Alaves izango du aurkari.

Zaleengan ilusioa sortu dute fitxaketa berriek eta Zarautzen Odegaard, Isak, Remiro, Portu eta abar zuzenean ikusteko aukera izango dugu. Badirudi, oraindik beste fitxaketaen bat izango dela, izan ere Ibarburuk atzoko agerraldian esan zuen jokalari berri guztiak ez daudela itxita; egon daitezkeela gehiago. Racing-en aldetik, joan den denboraldian igo ondoren, aurten bigarren mailan jokatuko du eta zenbait fitxaketa egin ditu, besteak beste, Luca Zidane, Real Madrid atezain ohia.

Datos del partido

Real Sociedad-Racing
El partido se disputará el próximo sábado a las 19.00 horas, en Asti, a favor del Kilometroak.
Entradas
Ya a la venta en el Txiki Polit, Eguzki, Joe y Guria y el mismo día del partido a partir de las 17.00 en la taquilla de Asti.
La Real
Acudirá con todos sus efectivos de la primera plantilla disponibles, lo mismo que el Racing de Santander.