XX. Pagoeta Mendi Lasterketa igandean bi ibilbide ezberdinekin

Pagoeta Mendi Lasterketaren XX. edizioa igandean lehiatuko da eta ospatuko diren bi ibilbideetarako dortsalak azpaldi agortuta daude. Garbi erakusten du honek zer nolako arrakasta duen lasterketa honek.

Goizeko 9:30ean emango zaio hasiera Pagoeta Mendi Lasterketaren XX. edizioari eta ondoren ibilbide mistoari ekingo diote bikoteek 09:45ean.

Ibilbide nagusia (bakarkakoa): 21 kilometro eta 1.600 metroko gorabehera metatua, zailtasun tekniko handirik gabekoa. Ibilbide zirkularra izango da eta Zarautz izango du abiapuntu eta helmuga, Aritzbatalde Kiroldegiaren parean, eta lasterketako punturik garaienak 8. eta 9. Kilometro artekoak izango dira (Pagoetako gurutzea eta Murukil tontorra, 700 metro inguruko altueran). Ibilbidea, 7. eta 16. Kilometroen artean Pagoeta Kontserbazio Bereziko Eremutik igaroko da.

Ibilbide mistoa (neska-mutilez osaturiko bikoteetan): 8 kilometro eta 600 metroko gorabehera metatua, zailtasun tekniko handirik gabekoa. Ibilbide zirkularra izango da eta honek ere Zarautz izango du abiapuntu eta helmuga, Aritzbatalde kiroldegiaren parean.

Urteta auzo pareraino igo beherako da, eta gero buelta Olaa errekatik eta baserritik barrena izango da.