Zarautz

Oteitzan, Batxilergoko ateak zabalik saioa izango dute, gaur arratsaldean

Arlo Industrialeko eta lan munduratze tasa altuko Lanbide Heziketako erdi eta Goi mailako zikloak dituzte Oteitzan; 2 urteko ikasketak izaten dira eta lehen urtetik lan praktikak izaten dira inguruko hainbat enpresatan. Erdi mailan, hau da DBH bukatu ondoren, Instalazio Elektriko eta Autmatikoak eta Mekanizazioa ikasketak dituzte. Ondoren, hauek beraien goi mailako ibilbidea dute. Normalena hau izaten da, erdi mailako ikasketen ondoren goi mailako ziklo bat edo bi ikastea. Goi mailan, Automatizazio eta Robotika Industriala, Mekatronika, Fabrikazio Mekanikoko Produkzioaren Programazioa eta Fabrikazio Mekanikoko Diseinua zikloak dira aukeran.

Batxilergoan aldiz, Giza eta Gizarte Zientzien Batxilergoa, Zientzia eta Teknologia Batxilergoa eta Batxilergo Orokorra modalitateak eskaintzen dituzte. Ikasleak, bere Batxilergoko ibilbidea, ikasgai aukeraketa desberdinen bidez pertsonalizatzeko aukera zabala duelarik.

Eta hau guztia Zarauzko erdigunean kokaturik. Batxilergoko Ateak Zabalik saioa gaur izango dute Oteitzan, arratsaldeko 17:00etatik 20:00etara. Ez galdu aukera.