Keoni Lasa eta Adur Amatriain, Challenger Series lehiatzeko aukera handiekin

Amaitu berri da Marokon Pro Taghazout Bay surf txapelketa, Qualifying Series lehiaketaren barne eta bertan zarauztar ordezkaritza izan dugu.

Emaitzak ez dira nahi bezain onak izan, Keoni Lasa 17. tokian geratu da, Adur Amatriain 33. eta 81. Ruben Vitoria. Baina QS-ko sailkapenaren barne azken proba lehiatu aurretik gure bi ordezkari lehen bost postuetan sailkatuta daude eta aukera handiak dituzte Challenger Series lehiketan sartzeko.

Keoni bigarren tokian dago, Jorgann Couzinet frantziarraren atzetik eta apirilaren 15ean Portugalen hasiko den Caparica Surf Fest 2025 txapelketak erabakiko du dena, baina Lasa pasako dela dirudi CS-ra eta Adurrek pare bat kanporaketa gaindetzea nahiko izan dezake Caparicako uretan. 7 lehenengo sailkatuak iritsiko dira Challenger Series lehiketara, eta bi ordezkari izan ditzake Zarauzko surfak. Bertatik igaroko dira ondoren Championship Tourrera hamar onenak.