Zarautz

Jubenil nesken Euskadiko Txapelketa gaurtik aurrera

Jubenil nesken Euskadiko eskubaloi txapelketa jokatuko dute gaurtik aurrera Aritzbatalde kiroldegian, ligan zehar onenak izan diren lau talderen artean: Eragin Orio, San Adrian, Kukullaga eta Julen Aizpitarteren Gran Camping Zarautz.

Txapelketa hiru egunetan zehar ospatuko dute eta hasteko, gaur arratsaldean lehen bi partidak izango dira: 17:30ean, Orio Eragin-Kukullaga eta 19:30ean, San Adrian-Gran Camping Zarautz.

Bigarren jardunaldia bihar izango da, beste bi norgehiagorekin: 17:30ean, San Adrian-Kukullaga eta 19:30ean, derbia, Zarautz-Orio. Bukatzeko, igande goizean, hirugarren eta azken jardunaldia: 10:30ean, San Adrian-Orio Eragin eta 12:30ean, Kukullaga-Gran Camping Zarautz.

Bigarren fasean, lehen multzoan Zarautz izan zen lehena 12 punturekin eta bigarren San Adrian Loiola 8rekin. Bigaren multzoan, Kukullagak bukatu zuen lehen 12 punturekin, 6 partidak irabazita, eta bigarren Kalefit Orio Eragin 8 punturekin. Asteburu honetakoa izango da balio duena.