Zarautz
'Itzulera' antzezlana Dejabu konpainiaren eskutik

Modelo aretoan eskainiko du ostiral honetan 20:00etatik aurrera

Antxon Etxeberria

Zarautz

Jueves, 20 de marzo 2025, 21:06 | Actualizado 21:18h.

'Itzulera' antzezlana aurkeztuko du Dejabu konpainiak ostiral honetan iluntzeko 20:00etan Modelo aretoan. Proiektu eszeniko berri hau umorez, poesiaz eta akzioz betetako antzezlana da. Auto-fikziozko obra honetan, konpainiako kideek euren sormenaren eta identitatearen zentzua zalantzan jarriko dute. Konpainiak 2024an Mexikora egindako bidaia kontatzen du eta nola bertan jasotako ustekabeko gertakari batek euren abenturaren norabidea aldatu zuen.

Zuzeneko road movie baten egitura du obrak, eta etengabe jokatzen du errealitatearen eta fikzioaren artean. Eszenako aktoreez gain, zinemagile batek zuzenean irudiak sortu eta proiektatuko ditu, ikusleentzako emanaldi bakoitza esperientzia errepikaezin bihurtzeko. Ipuin bat, non irudikatutakoaren eta bizitakoaren arteko mugak lausotzen diren, eta publikoa bidaia horren eta bere emaitzaren parte izatera gonbidatzen den.

Antzezleak Ainara Gurrutxaga, Urko Redondo, Miren Alcalá eta David Aguilar dira.